Arbeidsterapie
Arbeidsterapeute maak gebruik van wetenskaplik-gebaseerde, betekenisvolle aktiwiteite om, in samewerking met die ander multidissiplinêre spanlede en die onderwyspersoneel, die leerders van die skool se potensiaal maksimaal te ontwikkel op die volgende gebiede: skolastiese funksionering, werkvoorbereiding, spel, rekreasie, persoonlike onafhanklikheid en sosiale vaardighede.
Die aktiwiteite fokus sterk op sensoriese integrasie, fyn-motoriese ontwikkeling, handvaardigheid en werksvoorbereiding. Daar is tans twee arbeidsterapeute werksaam by die skool. Leerders word in groepe sowel as individueel geassesseer en behandel.


